.

11:54 AM - 04/05/2024

لەدوای رووداوەكەی 26 ی مانگی رابردوو ، كە بە دوو درۆن هێرشكرایە سەر كێڵگەی غازی كۆرمۆر لە چەمچەماڵ و بەهۆیەوە چوار كەس گیانیانلەدەستدا و بەرهەمهێنان لە كێڵگەكە بۆ ماوەی هەفتەیەك  راگیرا ، رۆژی هەینی دووبارە كۆمپانیای دانەغاز ئاسایبونەوەی بەرهەمهێنانی لە كێڵگەی كۆڕمۆڕ راگەیاندوو ، وەزارەتی كارەبای هەرێمی كوردستانیش  ئاماژەی بەوەكرد، دۆخی كارەبا ئاسایی بووەتەوەو  ،بەتێكڕا17 بۆ 19سەعات كارەبا بەهاووڵاتیان دەدرێت.

هاوكات كۆمپانیای دانەغاز رۆژی هەینی ، راگەیەندراوێكی بڵاوكردەوە و ئاماژەی بەوەكرد، ئاستی بەرهەم هێنانی غاز لە كێڵگەی كۆرمۆر ئاسایی بووەتەوە و ، لە رۆژێكدا زیاتر لە 500ملیۆن پێ سێجا بەرهەم دەهێنن .

راشیگەیاند، دەستپێكردنەوەی بەرهەم هێنان لەسەر بنەمای گرتنەبەری رێوشوێنەكانی هەرێم و بەغدایە.