بە هەوڵی راستەوخۆی نوسینگەی قوباد تاڵەبانی، جێگری سەرۆكی حكومەتی هەرێمی كوردستان، ئامێرێكی سی‌ تی‌سكان بۆ قەزای كۆیە دابین كرا.

لێپرسراوی سەنتەری تیشكی شەهید د. مەجید  دەڵێت، بۆ یەكەمین جارە ئەم ئامێرە بۆ نەخۆشخانەیەكی حكومی دابین دەكرێت. بەردەستبوونی ئامێرەكە گرنگییەكی تایبەتی هەیە، چونكە هاووڵاتیانی كۆیە و تەق ‌تەق دەتوانن بەبێ گەشتكردن بۆ شار و ناوچەكانی تر، پشكنینی سی‌ تی‌ سكان لە ناوچەكەی خۆیان ئەنجام بدەن؛ ئەمەش دەبێتە هۆی كەمكردنەوەی كات و خەرجی چارەخوازان و خێزانەكانیان.