بەپێی ئامارەكانی بەشی وزە نوێبووەكانی بەڕێوبەرایەتی تەكنیك لە بەڕێوەبەرایەتی گشتیكارەبا  لە سنوری پارێزگای سلێمانی دانانی سیستمی كارەبای وزەی خۆر رۆژ لەدوای رۆژ روو لە زیادبوونە و كۆی گشتی بەرهەمهێنانی كارەبا لە وزەی خۆر تا ئەمڕۆ گەیشتوەتە زیاتر لە (102) مێگاوات 

،لە ئامارەكاندا هاتووە تا  نۆی ئابی ئەمساڵ ژمارەی ئەو هاوبەشانەی كارەبا كە سیستمی سۆلاریان داناوە و لە بەشی ووزە نوێبووەكان تۆماركراون، گەیشتوەتە چوار هەزار و 562    هاوبەش و بڕی بەرهەمهێنانی كارەبایان گەیشتوەتە102 پۆینت 847  مێگاوات، لە كاتێكدا لە بەرواری  شەشی ئایاری ئەمساڵ ژمارەی ئەو هاوبەشانەی  سۆلاریان  دانابوو سێ‌ هەزار و 746  هاوبەش بوون و بەرهەمی كارەباكەیان 91 پۆینت 623   مێگاوات بووە.

هەر بەپێی داتاكان تا ئەمڕۆ ئەو هاوبەشانەی سیستمی سۆلاریان داناوە هاوبەشی ماڵان سێ‌ هەزار و 747    ،  هاوبەشی بازرگانی  659، هاوبەشی پیشەسازی 15،هاوبەشی كشتوكاڵی  134 ، هاوبەشی حكومی حەوت.