رەنگە مرۆڤایەتی زۆرینەی كات وا بیری كردبێتەوە كە زاڵە بەسەر زەویدا، تا ئەو كاتەی گڕكانێك چالاك دەبێت یان بوومەلەرزەیەك روودەدات و ئەو تێڕوانینە تەواو پێچەوانە دەكاتەوە، جارێكی تر گڕكانی ئێتنا لە كەناراوەكانی دوورگەی سیسیلیا لە ئیتاڵیا چالاكبووەوە. چالاكبوونەوەی ئەو گڕكانە مێژووییەی دەریای ناوەڕاست جارێكی تر هێزی راستەقینەی سروشتی نیشانی جیهان دایەوە و سەلماندیەوە كە تەكنەلۆژیای پێشكەوتووی مرۆڤ لە بەردەم توڕەیی سروشتدا چەندە بێ دەسەڵاتە.