پەیامی پیرۆزباییەكان بۆ ساڵیادی دامەزراندنی كەناڵی گەلی كوردستان



بەڕێزان: بەڕێوەبەر و میدیاکار و کارمەندانی کەناڵی گەلی کوردستان

بە بۆنەی سی و پێنجەمین ساڵیادی دامەزراندنی کەناڵی دایک، کەناڵی گەلی کوردستان، بەناوی بۆردی ڕاگەیاندنەوە گەرمترین پیرۆزبایی ئاراستەی ئێوەی دڵسۆز و تێکۆشەر و لەڕێگەی ئێوەشەوە لەسەرجەم کارمەندان و تەواوی ئەو میدیاکار و سەربازە وونانە دەکەین، کە لەوێستگەیەک لە وێستگەکان خزمەتیانکردوە، هەروەک لەم یادە پڕ شکۆیەدا بەڕێزەوە ستایشی مێژوو و ماندووبوونی ئەو چەند دەیەیە دەکەین، کە تێیدا بە هەڵوێستێکی بەرپرسانە و روماڵێکی سەنگین وەک سەکۆیەکی ڕاستبێژ، بەردەوام بوون لە خزمەتکردن بە کاروانی ڕاگەیاندنی کوردی.
کەناڵی گەلی کوردستان، بەدرێژایی ئەو مێژووە، نەک هەر پەخشی دەنگ و ڕەنگی چین و توێژەکانی کۆمەڵانی خەڵکی کوردستان بوو، بەڵکو خوێندنگە و ناوەندێکی گەورەی پێگەیاندن بووەو بە جۆرێک خزمەتی کردوە، کە ئەمڕۆ بەشێکی زۆر لە ڕۆژنامەنووس و میدیاکارە سەرکەوتووەکان لە کەناڵە کوردستانیی و عیراقیەکاندا، بەرھەمی ئەو وێستگە پڕ لە شانازییەن.
بێگومان، گەلی کوردستان پێگەیەکی بێوێنە و مێژوویی لە ڕاگەیاندنی نیشتمانیدا هەیە و جێگەی شانازیی هەموانە. لێرەوە، هیوای سەرکەوتنتان بۆ دەخوازین   و هەوڵ و هەنگاوە تازەکانتان بەرز دەنرخێنین لە پێناو خزمەتکردنی زیاتر، سەرکەوتوو و سەربەرز بن.


بۆردی ڕاگەیاندنی
 یەکێتیی نیشتمانیی کوردستان
-------------------------------------------------------------------------------
بەبۆنەی ساڵیادی دەستپێکی پەخشی کەناڵی "گەلی کوردستان"، گەرمترین پیرۆزبایی ئاراستەی سەرجەم بەڕێوەبەران، ڕۆژنامەنووسان و تەواوی ستافی ماندووی ئەم ناوەندە میدیاییە دەکەم. گەلی کوردستان وەک دایکە میدیا و دەنگی ڕەسەنی سەردەمی ئازادی و ڕاپەڕین، پێگەیەکی مێژوویی و سەنگینی لە هۆشیاریی نەتەوەیی و گەیاندنی ڕاستییەکاندا هەیە. بەهیوای بەردەوامی لە پاراستنی متمانەی بینەران و سەرکەوتنی زیاترتان لە کاروانی میدیاییدا



پۆڵا سیروان تاڵەبانی
ئەندامی سەرکردایەتی یەکێتی نیشتیمانی کوردستان
...............................................................................
بەڕێزان  بەڕێوەبەری گشتی و میدیاکارانی  کەناڵی گەلی کوردستان 

لەساڵیادی  دامەزراندنی تەلەفزیۆنی گەلی کورستان گەرمترین  پیرۆزباییتان  لێدەکەین و هیوای  سەرکەوتنی بەردەوامتان بۆ دەخوازین .
لەم بۆنەیەدا  هیوادارین کەناڵەکەتان وەک هەمیشە بەداهێنان و نوێگەرییەوە لەناو جەنجاڵیی ئەمڕۆی کاری میدیاییدا ، لەسەر ئامانجی ڕاستی گوتن و هەواڵ و زانیاری بەخشینی هۆشیار کردنەوە بەردەوام بێت و هەستکردن بە لێپرسراوێتی ئیتیک و بنەما ڕۆژنامەوانیەکان لەپێشینەی کارەکانتان بێت . 

دووبارە پیرۆز بێت ساڵیادی دامەزراندن و سی وپێنج ساڵەی کەناڵی دایک ، کەناڵی پێشمەرگە خاوەن هەگبەیەک لەکارو بەرهەمی پڕ دانسقەی  تەلەفزیۆنیی لە کوردستاندا . 

مەکتەبی سیاسی 
یەکێتیی نیشتمانیی کوردستان

-----------------------------------------------------------
بەڕێزان: بەڕێوبەر  و سەرجەم کارمەندانی کەناڵی گەلی کوردستان 
بابەت: پیررۆزبایی

بە بۆنەی ساڵیادی دامەزراندنی کەناڵی گەلی کوردستانەوە جوانترین پیرۆزبایی خۆمتان ئاڕاستە دەکەم.
گەلی کوردستان وەک یەکەم کەناڵی بینراوی دوای ڕاپەڕین،  ڕۆڵ و کاریگەریی گەورەی هەبوو لە گەیاندنی پەیامەکانی یەکێتی نیشتمانی بە کۆمەڵانی خەڵک، هاوشانی ئەوە لەگەڵ دەنگ و کێشەکانی خەڵکدا ژیاوە.
گەلی کوردستان کەناڵێکی نزیکە لەخەڵکەوە، بۆیە چەندین ناوی جیاجیای پێدراوە لە ڕووی جەماوەرییەوە، سەردەمێک بە کەناڵی دایک و سەردەمێک بە کەناڵی پێشمەرگە و ... هتد ناسراوە.
بەهیوام ساڵی نوێی کارکردنتان، ساڵی پڕ بەرهەم و نوێبوونەوەی زیاتر و خزمەتی زیاتر بێت بە وەرگرەکانتان.

بمێنن و لەگەشەکردندابن.

هەڵمەت هۆشیار
ئەندامی پەرلەمانی کوردستان لە فراکسیۆنی ی.ن.ک
......................................................................
بەرێز بەرێوبەرو کادرو کارمەندانی گەلی کوردستان

لەیادی  ٣٥هەمین سالەی دامەزراندن ویەکەمین  کەناڵی گەلی کوردستاندا بەناوی سەرپەرشتیارو لێپرسراوی بۆردو تەواوی کادروکارمەندانی مەکتەبی کاروباری رێکخراوەییەوە گەرمترین پیرۆزبایتان ئاراستەدەکەین ودەست ماندوبونتان دەگوشین و شەونخونیتان بەرزدەنرخێنین هیوای سەرکەوتنتان بۆدەخوازین 
گەلی کوردستان یەکێکە لەدەستکەوتە گەورەکانی  ڕاگەیاندنی یەکێتی ومیدیای کوردی  کەبەیەکێک لەسەروەری شانازیەکانی یەکێتی  نیشتمانی کوردستان  کەناڵی دایک بەبەنرخترین دیاری سەرۆک مام جەلال ویەکێتی نیشتمانی کوردستان دادەنریت لەدوای راپەرین. کەبوە خوێندنگەیەک بۆهەموو میدیاکارو رۆژنامەنوسان   گەلی کوردستان لەسەرەتای پەخشەکانیەوە بەکەناڵێکی راستگۆو بوێرناسراوەو توانیویەتی بەزانیاری وهەواڵ وبەرنامە جۆراوجۆرەکانی  سوبگەیەنێت بەهەموو بینەرەکانی  ومیوانێکی  پڕ بایەخی ماڵەکانمان بوە  بەدەرفەتی دەزانین لەم یادەپرشکۆیەدا پیرۆزبای لەهەموو ئەوانەش بکەین کەرۆژگارێک لەم کەناڵەکاریان کردوە دروددەنێرین بۆهەموو ئەوانەش ئێستا لەژیاندا نەماون ولەم کەناڵەکاریان کردوە   پیرۆزبایش لەتەواوی بینەرەکانی ئەم کەناڵە ئازیزەدەکەین لەهەرشوێنێکی ئەم دنیایەن دووبارە پیرۆزە

مەکتەبی کاروباری رێکخراوەی
---------------------------------------
شێخ جەعفەر شێخ مستەفا پیرۆزبایی لە کەناڵی ئاسمانی گەلی کوردستان دەکات

بەڕێزان، بەڕێوبەرو میدیاکاران و رۆژنامەنووسانی کەناڵی گەلی کوردستان

بەبۆنەی 35هەمین ساڵیادی دامەزراندنی  کەناڵی گەلی کوردستان گەرمترین پیرۆزباییتان ئاراسته دەکەم، بەهیوام بەردەوام بن لە گەشەکردن و بەرەوپێشچوون.

تەلەفزیۆنی گەلی کوردستان، کاتێک لە ئەیلولی 1991دا پەخشی خۆی دەستپێکرد، جاڕی قۆناغێکی نوێی دا لە راگەیاندنی کوردی کە تا ئەو کاتە هیچ کەناڵێکی بینراوی کوردیی رەسەن لەسەر خاکی کوردستان بوونی نەبوو، هەر بۆیە زۆر بەگەرمی لەلایەن خەڵکی کوردستانەوە پێشوازی لێکرا، بەتایبەتی کە کەناڵەکە هەمیشە دەربڕو گوزارشتکەری هیوا و خەم و تێڕوانینەکانی زۆرینەی خەڵکی کوردستان بووەو بابەتییانە و هاوسەنگانە ئەرکی میدیایی خۆی بەجێگەیاندووە. بۆیە کارکردن لەو دامەزراوە میدیاییەدا، لەرابردوو و ئێستاشدا، جێگای شانازییە.

لەم سەردەمەشدا کە کەناڵ و دامەزراوەی میدیایی زۆرو زەبەند هەن، گەلی کوردستان تاڕادەیەکی باش توانیویەتی خۆی لەگەڵ بارودۆخە ئاڵۆزو نوێیەکەدا بگونجێنێت، لەو بوارەشدا ئێمە وەک هەمیشە پشتیوانتان دەبین.

جارێکی تر پڕ بەدڵ پیرۆزباییتان لێدەکەم.

شێخ جەعفەر شێخ مستەفا
 لێپرسراوی ئەنجومەنی پاراستنی بەرژەوەندییە باڵاکانی(ی.ن.ک)
-----------------------------------------------------------------
بەڕێز بەڕێوەبەر و میدیاکاران و کارمەندانی کەناڵی گەلی کوردستان .

لەساڵیادی دامەزراندنی کەناڵە ئازیزەکەتان ، لەدڵەوە پیرۆزبایی گەرمتان لێدەکەم و هیوای سەرکەوتنی زیاترتان بۆ دەخوازم .

کەناڵی گەلی کوردستان وەک یەکەمین کەناڵی کوردی دوای راپەڕین ، شانازییەکی  تری یەکێتییە کە بەبڕیاری سەرۆک مام جەلال دامەزراو وەک میدیایەکی بەرپرسیارو سەنگین درێژەی بە خزمەتەکانی داو ئەمڕۆش لەسەر هەمان رێچکە بە ستایلێکی نوێوە ئەرکەکانتان لەسەر بنەما و پابەندبوون بە بەها باڵا و پیشەییەکانی کاری راگەیاند رادەپەڕێنن ، کە جێگای دەست خۆشی و پێزانینمانە .

هەر شادو سەربەرزبن . 

جەلال شێخ ناجی 
سەرۆکئ ئاژانسی پاراستن و زانیاری / زانیاری
------------------------------------------
شاڵاو کۆسرەت رەسول پیرۆزبایی لە کەناڵی گەلی کوردستان دەکات

بەڕێزان: بەڕێوەبەرو میدیاکارو کارمەندانی کەناڵی گەلی کوردستان

سی و پێنجەمین ساڵیادی دامەزراندنی کەناڵی گەلی کوردستان لە ئێوەو سەرجەم کارمەندان و میدیاکارانی کەناڵەکە پیرۆز دەکەم، ئومێدی بەردەوامی و پێشکەوتنی زیاترتان بۆ دەخوازم.

ئەوێ رۆژێ، لە دوای راپەڕین، کەناڵی گەلی کوردستان وەک کەناڵی دایک دیاری و بەخششی یەکێتیی نیشتمانیی کوردستان بۆ خەڵکی کوردستان و میدیاکاران بۆ ئەوەی لەرێگایەوە خزمەتی خەڵک بکرێت و دەنگ و رەنگیان بگەیەنرێت.

لەوساوە بۆ ئەمڕۆ، لە قۆناغە جیاوازەکاندا، بەپێی بارودۆخەکەو پێویستییەکانی قۆناغەکە، کەناڵی گەلی کوردستان توانیویەتی خزمەت بکات و دەنگ و رەنگ و سەدای دیدو بۆچوونە جیاوازەکان بێت و هەڵگری مەشخەڵی گەیاندنی راستی بێت بە هەمووان.

ئەمڕۆ کە ئەم یادە دەکەینەوە، وێڕای دووبارە پیرۆزباییم، پاڵپشتی و پشتیوانی خۆمتان بۆ دووپات دەکەمەوە و بە هیوام بتوانن هاوتەریب لەگەڵ پێشکەوتنەکانی بواری میدیا وەک هەمیشە کەناڵێکی پابەندو وابەستە بن بە ئیتیکی کاری میدیایی و گەیەنەری سیاسەتی یەکێتیی بن لە پێناو خزمەتکردنی دۆزەکەمان.

براتان
شاڵاو کۆسرەت رەسول
------------------------------
پیرۆز بێت ساڵیادی ئەو شاشەیەی کە بۆ یەکەمین جار وێنەی ئازادیی نیشانی کوردستانیان دا.
(گەلی کوردستان) هەمیشە وەک فێرگەیەک و پێشەنگێکی میدیای نیشتمانی ماوەتەوە. دەستی ماندووبوونی یەک بە یەکی ستافەکەتان دەگوشم و ئومێدەوارم هەمیشە لە نوێبوونەوە و پێشکەوتندا بن.

لاڤە حیکمەت 
سەرپەرشتیاری گشتیی یەکێتیی ژنانی کوردستان
----------------------------------------
بەڕێزان بەڕێوەبەر و رۆژنامەنووسانی کەناڵی گەلی کوردستان
بەبۆنەی یادی دامەزراندنی کەناڵی گەلی کوردستانەوە گەرمترین پیرۆزباییتان ئاراستە دەکەم و هیوای سەرکەوتنی زیاترتان بۆ دەخوازم.
کەناڵی گەلی کوردستان کە بە کەناڵی دایک ناسراوە یەکێکە لە شانازییەکانی مێژووی راگەیاندنی کوردی و لە قۆناغە جیاوازەکاندا خزمەتی گەورەی بە بواری راگەیاندن و رۆژنامەگەریی کوردی کردووە. بەم مێژووە مەزن و درەوشاوەیەوە ئێمە و بینەران و خەڵکی کوردستان لەم قۆناغەشدا چاوەڕوانی زیاترمان لێتان هەیە و هیوادارین بە خۆنوێکردنەوە و پلان و بیرۆکەی نوێ و داهێنەرانە زۆرترین بینەر لە دەوری خۆتان کۆبکەنەوە.
بە هیوای بەردەوامی و سەرکەوتنی زیاتر
قوباد تاڵەبانی
لێپرسراویی مەکتەبی سکرتارییەتی سەرۆک مام جەلال
-------------------------------------------------------

٣٥ ساڵ لە خزمەتی دەنگ و ڕاستیدا

بەبۆنەی یادی ٣٥ ساڵەی دامەزراندنی تەلەفزیۆنی گەلی کوردستانەوە، گەرمترین پیرۆزبایی پێشکەش بە بەڕێوەبەرایەتی، کارمەندان و هەموو ئەو کەسانە دەکەم کە بە وشە و وێنە، خزمەتی ڕاستی و ئازادییان کردووە.

ئەم تەلەفزیۆنە تەنها دامەزراوەیەکی ڕاگەیاندن نەبووە؛ بەڵکو دەنگی خەبات، ئاوێنەی قوربانییەکانی گەلی کوردستان و هەڵگری ڕێبازی نیشتمانی و دیموکراتیی یەکێتی بووە؛ ئەو ڕێبازەی لەسەر بنەمای ئازادی، دادپەروەری، پێکەوەژیان و پاراستنی مافە ڕەواکانی گەلەکەمان دامەزراوە.

ئەمڕۆ، لەبەردەم ئاڵنگارییەکانی هەرێمدا، پێویستە ڕاگەیاندن پردی گفتوگۆ بێت، نە دیواری ناکۆکی؛ پەیامی ئاشتی بگەیەنێت و خزمەت بە یەکڕیزی، چارەسەری دەستووریی کێشەکان و بنیاتنانی داهاتوویەکی ئارام و گەشەسەندوو بکات.

ڕۆڵی تەلەفزیۆن لە پەروەردەکردنی نەوەی نوێدا، تەنها گواستنەوەی هەواڵ نییە؛ بەڵکو دروستکردنی هۆشیاری، پاراستنی ناسنامە و فێرکردنی ڕێزگرتن لە جیاوازی و بەرپرسیاریی نیشتمانییە.

یادی ٣٥ ساڵەی دامەزراندنی تەلەفزیۆنی گەلی کوردستان پیرۆز بێت؛ بە هیوای ئەوەی هەمیشە دەنگی ڕاستی، پەنجەرەی ئومێد و چرای ڕێگای نەوەکانی داهاتوو بێت.

عیماد ئەحمەد
------------------------------------

رێباز بێركۆتی ساڵیادی دامەزراندنی كەناڵی گەلی كوردستان پیرۆز دەكات

برای بەرێز كاك كوردۆ عەلی بەرێوەبەری گشتی كەناڵی گەلی كوردستان

میدیاكاران و ڕۆژنامەنووسان

لەساڵیادی دامەزراندنی كەناڵی گەلی كوردستان لەناخەوە گەرمترین پیرۆزبایتان لێدەكەم ،هەمیشە لەسەركەوتن و گەشەكردن دابن .
كەناڵی گەلی كوردستان دیاری یەكێتیی نیشتیمانیی كوردستان بوو بۆ كۆمەڵانی خەڵكی كوردستان ،بابەتیانە و واقیعیانە پەیامەكانی بەیان كردوە،راستگۆیی لەپیشەی دابوە،گرفت و خەمی خەڵكی هەڵگرتوە.

كەنالی گەلی كوردستان پەیمانگایەكیش بوە بۆ پێگەیاندنی كادیری بواری راگەیاندن ،ژمارەیەكی زۆر كادیری راگەیاندنی پێگەیاندوە،لێرەدا سوپاس و دەستخۆشی بۆ هەموو ئەو كادیرە دێرینانەش دەنێرم كە رۆژیك لەرۆژان لەو كەناڵە خزمەتیكردوە،لەگەڵ ئەو سەردەمەی بواری راگەیاندیشدا توانیوتانە خۆتان بگونجێن و كارەكانتان زیاتر بەرەو پێش ببەن.

پشتیوانتانین و هەر لەگەشەكردن دابن

رێباز بێركۆتی
ئەندامی سەركردایەتی و لێپرسراوی مەڵبەندی سێی هەولێری یەكێتیی
------------------------------------

پەیامی پیرۆزبایی د. جوان احسان فوزی بۆ ساڵیادی کەناڵی گەلی کوردستان:

بەڕێزان : بەڕێوەبەرو میدیاکاران و سەرجەم کارمەندانی دڵسۆز لە کەناڵی دایك ، کەناڵی هەڵقوڵاوی ناخی جەماوەروکوردایەتی.

(٣٥) ساڵ کارکردن و ماندووبوونی بێوچانی بەڕێوەبەر و سەرجەم ڕاگەیاندنکار و کارمەندانی کەناڵی ئازیزی گەلی کوردستان لە دڵەوە پیرۆز دەکەم . 
کەناڵی گەلی کوردستان درێژەپێدەری ئەو پەیامە نیشتمانییەیە کە لەسەر دەستی ( سەرۆك مام جەلال ) بناغەکەی داڕێژرا و هەمیشە بووەتە زمانحاڵی ڕاستەقینەی خەڵك و پارێزەری ئاشتیی کۆمەڵایەتی.

دڵخۆشم کە ئەمڕۆش بە هەمان ڕۆحی بەرپرسیارانە و نوێبوونەوەیەکی سەردەمییانە لە کاروانەکەتان بەردەوامن .

هەمیشە چاوەڕێی کاری جوانتر و پێشکەوتنی زیاترتان لێ دەکەم. دەستی ماندووبوونی یەك بە یەکتان دەگوشم، خەرمان بەرەکەتدار بێت و هەر سەرکەوتوو و سەربەرز بن.

د. جوان احسان فوزی
ئەندامی مەکتەبی سیاسیی 
یەکێتیی نیشتمانیی کوردستان
------------------------------------

بەڕێز بەڕێوەبەر و خێزانی میدیایی کەناڵی گەلی کوردستان 

لەدڵەوە پیرۆزبایی ساڵیادی دامەزراندنی کەناڵە ئازیزەکەتان لێدەکەین و هیوای بەردەوامی و سەرکەوتنی زیاترتان بۆ دەخوازین.

گەلی کوردستان وەک میدیایەکی نیشتمانیی و بەرپرسیار هەمیشە بەشێکە لە شانازییەکانمان کە رۆڵ و مێژووکەی وەک یەکەم میدیای کوردی دوای راپەڕین ، ئەوە دەخوازێت هەموولایەکمان هاوکار و پشتیوانتان بین بۆ داهێنان و هەنگاوی گەورەتر. 

ئێمە هەمیشە چاومان لە نوێبوونەوە و گۆڕانکارییەکانتانە ، دەستان خۆش و هەربمێنن.

دکتۆر خەسرەو گوڵ
------------------------------------

بۆ بەڕێوەبەر و کارمەندانی کەنالی گەلی کوردستانی خۆشەویست

سڵاوی مامۆستایانەتان  لێبێت
بە ناوی خۆم و مامۆستایانەوە

بە بۆنەی 35ساڵەی دامەزراندنی کەناڵە پڕ لە جۆش و خرۆشەکەتان، کەناڵی پێشمەرگە و تەواوی گەلی کوردستان جوانترین  پیرۆزبایی و رازاوەترین چەپکەگوڵتان پێشکەش دەکەین هیواخوازین لەو پەیامە سەنگین و پڕ بەهایانەی کە لەسەر بنەمای بیری کوردایەتی و کوردستانیەت  هەڵتان گرتوە ،بە گوڕتر و لێبڕاوەنەتر درێژەی پێبدەن  تا گەلی کوردستان دەگاتە  کەناری ئارام و دوا ئامانج ، دووبارە پیرۆز لە ئێوە و لە ئێمەو تەواوی کۆمەڵانی خەڵکی کوردستان هەر بژین و سەرکەوتوبن
براتان

م. عبدالواحد محمد
سەرۆکی یەکێتی مامۆستایانی کوردستان
10ئەیلولی 2026
------------------------------------
ئاراس محەمەد ئاغا.. کەناڵی گەلی کوردستان جیگای شانازیی هەموومانە

بەرێزان/ بەرێوبەر و میدیاكار و كارمەند و ستافی كەناڵی‌ گەلی‌ كوردستان

بەبۆنەی(35)مین ساڵرۆژی دامەزراندنی كەناڵی‌ گەلی‌ كوردستان، بەناوی خۆم و جێگر و کارگێرانی مەلبەند و هەڤاڵانی یەکێتی نیشتیمانی كوردستان لەسنوری‌ مەڵبەندی رێکخستنی حەوتی‌ نەینەوا پیرۆزبایی‌ لە ئێوەی بەرێز دەکەین، ئومێدەوارین بەردەوام بن لە خەباتی خۆتان لەسەر هەمان ڕێچکەو ھەمان جۆش و لەپێناو  ئامانجی رەواکەتان.

دامەزراندنی كەناڵی گەلی كوردستان لە پێشی (35 )سالدا، ھەنگاوێکی گەورەبوو لە بواری‌ میدیایی كوردیدا سەری ھەلداوە، لەو تەمەنە‌ درێژەیدا، سەرەڕای قۆناغی سەخت و دژواردا و پێشبرکی بی وێنەدا ھاتە کایەی مەیدانی راگەیاندا ، ئەم كەناڵە توانی بەردەوامی‌ بداتە كاروانی خۆی و ھاوسەنگی و راستگۆیی بپارێزێت و كاریگەری گەورە بکاتە سەر جەماوەری و دەستھەلات‌ لە ھەرێم‌.

ساڵانی رابردوو ئەم کەناڵە لە نوێگەری و پێشکەوتن خۆی نواند ئەویش بونی شاشەکە بە ئێجدی ، ھەروەھا گۆرانگاری زۆری  لە روی ناوەرۆکی بەرنامەکان کرد . ئەمەش جێگای شانازی ھەموومانە بەتایبەتیش دەستکەوتێکی گرنگە بۆ راگەیاندنی یەکێتی نیشتیمانی کوردستان .

 ھەروەھا كەنالی‌ گەلی‌ كوردستان زۆر بوێرانە خۆی لە کێشەی گەلی كورد لە هەرچوار پارچە کردۆتە خاوەن و بویتە مینبەری دەنگ وڕەنگی بزاڤی ڕزگاریخوازی كوردی.

دووبارە پیرۆزبایی‌ لە ئێوەی بەرێز دەکەین، هیوای بەردەوامی و بەرەوپێشچونی زیاتر بۆ کەناڵە جوانەکەتان دەخوازم.

ئاراس محەمەد ئاغا 
ئەندامی ئەنجومەنی سەركردایەتی
لێپرسراوی‌ مەڵبەندی حەوتی نەینەوا
------------------------------------

بەڕێزان، بەڕێوەبەر، ڕۆژنامەنووسان، میدیاکاران و کارمەندانی کەناڵی گەلی کوردستان؛

بەبۆنەی سی و پێنجەمین ساڵیادی دامەزراندنی کەناڵی دایک، کەناڵی گەلی کوردستان، گەرمترین پیرۆزبایی خۆم ئاراستەی ئێوە دەکەم و دەستخۆشی لە ماندووبوون و خزمەتە بەردەوامەکانتان دەکەم.

گەلی کوردستان بە بڕیار و دیدی ڕەوانشاد سەرۆک مام جەلال دامەزرا و لەو سەردەمەوە تاکو ئەمڕۆ، وەک یەکێک لە پێشەنگەکانی میدیای نیشتمانی، دەنگی خەڵک و سەکۆیەکی گرنگ بۆ پاراستنی ماف، ناسنامە و بەهاکانی کۆمەڵگای کوردستان بووە.

هیوادارم بە هەمان ڕۆحی بەرپرسیاری و بە نوێبوونەوەیەکی بەردەوام، لە خزمەتکردنی ڕاستی و گەیاندنی دەنگی کۆمەڵانی خەڵکدا هەروا سەرکەوتوو بن.

سی و پێنج ساڵ خزمەت و سەربەرزیتان پیرۆز بێت.

وەهاب هەڵەبجەیی
ئەندامی ئەنجومەنی سەرکردایەتی (ی.ن.ک)
------------------------------------
بەڕێزان بەڕێوەبەر، ستاف و سەرجەم کارمەندانی ماندوونه‌ناسی کەناڵی گەلی کوردستان

لە ساڵیادی دەستپێکی پەخشی (گەلی کوردستان)دا، گەرمترین پیرۆزبایی ئاڕاستەی ئێوەی دڵسۆز و بینەرانی ئازیز دەکەم.

مێژووی ئەم کەناڵە وەک یەکەمین میدیای بینراوی دوای ڕاپەڕین، بەشێکی پڕ لە شانازییە لە شۆڕشی ڕۆشنبیری و کاروانی خەباتی (ی.ن.ک). گەلی کوردستان نە تەنها سەکۆی گەیاندنی دەنگ و داواکارییەکانی خەڵک بووە، بەڵکو نموونەیەکیش بووە لە پاراستنی هاوسەنگی و بەها باڵاکانی ئیتیكی ڕۆژنامەوانی.

ئەمڕۆش بە هەمان گیانی بەرپرسیاریەتییەوە پارێزگاری لە ڕەسەنایەتی خۆی دەکات، هیوای بەردەوامی، نوێبوونەوە و سەرکەوتنی زیاترتان بۆ دەخوازم.


تەلار لطیف
لێپرسراوی ناوەندی کاروباری یاسایی
یەکێتیی نیشتمانیی کوردستان
------------------------------------

پەیامی پیرۆزبایی فراكسیۆنی یەكێتیی نیشتمانیی كوردستان لە پەرلەمانی كوردستان

بەبۆنەی (٣٥)ەمین ساڵیادی دامەزراندنی كەناڵی گەلی كوردستان (دایكی ڕاگەیاندنی بینراوی كوردی)، گەرمترین پیرۆزبایی لە بەڕێوەبەر، تەواوی میدیاکاران و كادیران، ڕۆژنامەنووسان و كارمەندانی ماندوونه‌ناسی ئەم دامەزراوەیە دەكەین.

گەلی كوردستان وەك یەكەمین کەناڵی بینراوی كورد گەیەنەری پەیامی ئازادی و هۆشیاری، و قوتابخانەیەکی گەورە  بوو بۆ پەروەردەکردنی سەدان کادیری لێهاتووی بواری ڕاگەیاندن.  ڕۆڵ و کاریگەری ئەم کەناڵە لە مێژووی هاوچەرخی ڕاگەیاندنی کوردیدا هەمیشە بە بەرزی دەمێنێتەوە.

لەم یادە پیرۆزەدا، هیوای بەردەوامی، سەركەوتن و گەشەسەندنی زیاترتان بۆ دەخوازین، تا وەك هەمیشە پێشەنگ بن لە گەیاندنی ڕاستییەکان و داكۆكیكردن لە مافەكانی خەڵكی كوردستان و خزمەتكردنی ڕەسەنایەتیی كولتوور و زمانی کوردی.

لەگەڵ رێزدا
فراکسیۆنی یەکێتی نیشتمانی کوردستان لە پەرلەمانی کوردستان
٢٠٢٦/٩/١٠
------------------------------------

جێگر پارێزگاری سلێمانی پیرۆزبایی لە کەناڵی گەلی کوردستان دەکات


بەڕێوەبەر وکارمەندانی کەناڵی گەلی کوردستان بەبۆنەی (٣٥)ەمین ساڵیادی دامەزراندنی كەناڵی گەلی كوردستان کەناڵی دایك  پیرۆزبایتان لێ دەکەم .

گەلی كوردستان وەك یەكەمین کەناڵی بینراوی كورد لە ٣٥ ساڵی ڕابردوو توانی بە ڕاستگۆی و سەنگینیەوە کاربکات ،

هەروەها بە ئێستاشەوە قوتابخانەیەک بووە بۆ پێگەیاندنی دەیان میدیاکار و ڕاگەیاندنکار و ڕۆژنامەنووسی بەتوا و بەئەزموون.

 ڕۆڵ و کاریگەری ئەم کەناڵە لە مێژووی هاوچەرخی ڕاگەیاندنی کوردیدا هەمیشە بە بەرزی دەمێنێتەوە ، ئێستاش دەوری سەرەکی هەیە لەناو میدیایی کوردیدا.


لەم یادەدا هیوای سەرکەوتنتان بۆ دەخوازین و ئێمەش بەهەموو توانایەکمانەوە پاڵپشت و پشتیوانتان دەبین.

لەگەڵ رێزدا


  شاهۆ عوسمان
 جێگری پارێزگاری سلێمانی 
٢٠٢٦/٩/١٠
------------------------------------

بەڕێزان.. 
بەڕێوەبەر، میدیاکاران و تەواوی کارمەندانی کەناڵی گەلی کوردستان
بەبۆنەی یادی دامەزراندنی تەلەفزیۆنی گەلی کوردستان، کەناڵی دایک و یەکەمین شاشەی کوردیی دوای ڕاپەڕین، گەرمترین و جوانترین، پیرۆزباییتان ئاراستە دەکەم.

گەلی کوردستان لەسەر دەستی سەرۆک مام جەلال تەنها وەک کەناڵێک دانەمەزرا، بەڵکو وەک قوتابخانەیەکی گەورەی میدیایی و مینبەرێکی ڕاستگۆ بۆ گەیاندنی دەنگی خەڵک و گوتاری یەکێتیی نیشتمانیی کوردستان هاتە ئاراوە. 

ئەم کەناڵە لە قۆناغە جیاوازەکاندا، هەمیشە سەنگەری بەرگری بووە لە مافە ڕەواکانی کۆمەڵانیی خەڵک و ئاوێنەی قوربانیدانەکانی نەتەوەکەمان بووە.

لە ڕوانگەی بەرپرسیارێتیمانەوە، بەگرنگییەوە دەڕوانینە ڕۆڵی ئێستاتان، لەم قۆناغەدا کە میدیا ڕووبەڕووی شەپۆلی چەواشەکاری و هەواڵی نادروست دەبێتەوە، کەناڵی گەلی کوردستان ئەرکێکی نیشتمانیی گرنگی لەسەر شانە بۆ پاراستنی بەرپرسیارێتیی میدیایی، ڕوونکردنەوەی ڕاستییەکان بۆ ڕایگشتی و گەیاندنی پەیامی دروستی یەکێتی بە شێوازێکی سەردەمیانە و پیشەیی.

بۆیە، پێویستە هەمیشە سەرچاوەی متمانە و پارێزەری ئاشتیی کۆمەڵایەتی بن.
دەستی ماندووبوونتان دەگوشم و متمانەی تەواومان بە توانا و دڵسۆزیتان هەیە بۆ خۆنوێکردنەوە و هێشتنەوەی ئەم کەناڵە لە لوتکەی متمانەی جەماوەردا.

کاروان گەزنەیی
وتەبێژی یەکێتیی نیشتمانیی کوردستان
------------------------------------

بەڕێز/ بەڕێوەبەر و کارمەندانی کەناڵی گەلی کوردستان
بە بۆنەی یادی (٣٥) ساڵەی دامەزراندنی کەناڵی گەلی کوردستان، گەرمترین پیرۆزبایی خۆم و هەڤاڵانم لە دەزگای چاودێری دارایی یەکێتیی نیشتمانیی کوردستان، ئاراستەی ئێوەی بەڕێز دەکەین.
کەناڵی گەلی کوردستان وەک کەناڵێکی ڕەسەن و مێژوویی، هەمیشە سەنگەرێکی گرنگ بووە لە بەرگریکردن لە مافە ڕەواکانی گەلەکەمان و گەیاندنی دەنگی ڕاستەقینەی خەڵک بە شێوازێکی پیشەیی و بەرپرسیارانە. جێگەی شانازییە کە ئەم کەناڵە لانکەی پێگەیاندنی چەندین کادر و ڕۆژنامەنووسی بەتوانا بووە.
هیوای سەرکەوتن و بەردەوامیتان بۆ دەخوازم لە پێناو پەرەپێدانی زیاتری کارەکانتان و خزمەتکردن بە ڕێبازی ڕاستەقینەی یەکێتیی نیشتمانیی کوردستان و گەیشتن بە لوتکەی سەرکەوتن.
دووبارە پیرۆز بێت


فەوزیە نظیف
لێپرسراوی دەزگای چاودێری دارایی  ی. ن. ک
------------------------------------

کەناڵە جوانەکەی
 ( گەلی کوردستان ) بەڕێوبەرو کارمەندان و میدیاکارانی کەناڵی گەلی کوردستانی خۆشەویست بەبۆنەی ساڵ یادی پەخشی کەناڵەکەوە ، گەرمترین پیرۆزبایی ئاراستەی ئێوەو بینەران و بیسەرانی ئایز دەکەین هیوادارین هەمیشە لە بەرەو پێش چوندابن و خزمەتی باشتر پێش کەش بە  بینەران بکەن 

هەڵۆ قەرە ناوی 
لێپرسراوی پۆردی رووناکبیری ناوخۆ
------------------------------------

بەڕێزان، بەڕێوەبەر و ڕۆژنامەنووسان و تەواوی ستافی کەناڵی دایک، کەناڵی گەلی کوردستان

بەبۆنەی سی و پێنجەمین ساڵیادی دامەزراندنی کەناڵی گەلی کوردستانەوە گەرمترین پیرۆزبایتان ئاڕاستە دەکەم.

کەناڵی گەلی کوردستان لە مێژووی کارکردنیدا تاوەکو ئەم ساتەی کەوا بەردەوامە لە خەباتی میدیایی هەموو کاتێک پێشەنگی میدیایی کوردی بووە لە تەواوی بوارەکاندا هەروەها سەنگینی و بەها کۆمەڵایەتیەکانی کۆمەڵگای وەکو خۆی پاراستووە و لەم نێوەندەشدا دەیان ڕۆژنامەنووس و کادری میدیایی پێگەیاندووە هەر ئەو ئاستەشتان لێ چاوەڕێ دەکرێ  لە کاتێکدا کە ڕەوانشاد سەرۆک مام جەلال بناغەدانەر و ڕێنیشاندەری دەزگاکە بووە.

هیوای بەردەوامیتان بۆ دەخوازم لە گەیاندنی دەنگ و ڕەنگی کۆمەڵانی خەڵکی کوردستان لەسەر هەمان ڕۆحیەت و ڕابردووی پرشنگدارتان، هەر سەربەرز و پێشەنگ و سەرکەوتووبن.

براکۆ شێرکۆ فاتیح شووانی
ئەندامی ئەنجومەنی نوێنەرانی عێراق
------------------------------------

لە یادی تەلەفیزیۆنی گەلی کوردستاندا، ڕێز لە مێژووی پڕلەخەبات و ماندووبوونی هەموو ئەو کەسانە دەگرین کە بە دڵسۆزی و پیشەی میدیاکارانە بەشدار بوون لە پەرەپێدانی میدیای کوردی و خزمەتی گەلی کوردستان.
تەلەفیزیۆنی گەلی کوردستان تەنها کەناڵێک نەبووە بۆ پەخشی هەواڵ و زانیاری بەڵکو بەشێکە لە بیرەوەریی کۆمەڵانی خەڵکی کوردستان و دەنگی شۆڕش و خەبات و خزمەت بە کولتوور و گوتاری میدیای کوردی.
پیرۆزبایی لە یادی دامەزراندنی تەلەفیزیۆنی دایک تەلەفیزیۆنی گەلی کوردستان دەکەم و بەهیوای بەردەوامی و سەرکەوتنی زیاتر.
پ.د.پاڤێ شەهید شێخ جەمیل
------------------------------------

بەڕێزان بەڕێوەبەر، ستاف و سەرجەم کارمەندانی ماندوونه‌ناسی کەناڵی گەلی کوردستان

لە ساڵیادی دەستپێکی پەخشی (گەلی کوردستان)دا، گەرمترین پیرۆزبایی ئاڕاستەی ئێوەی دڵسۆز و بینەرانی ئازیز دەکەم.

مێژووی ئەم کەناڵە وەک یەکەمین میدیای بینراوی دوای ڕاپەڕین، بەشێکی پڕ لە شانازییە لە شۆڕشی ڕۆشنبیری و کاروانی خەباتی (ی.ن.ک). گەلی کوردستان نە تەنها سەکۆی گەیاندنی دەنگ و داواکارییەکانی خەڵک بووە، بەڵکو نموونەیەکیش بووە لە پاراستنی هاوسەنگی و بەها باڵاکانی ئیتیكی ڕۆژنامەوانی.

ئەمڕۆش بە هەمان گیانی بەرپرسیاریەتییەوە پارێزگاری لە ڕەسەنایەتی خۆی دەکات، هیوای بەردەوامی، نوێبوونەوە و سەرکەوتنی زیاترتان بۆ دەخوازم.


تەلار لطیف
لێپرسراوی ناوەندی کاروباری یاسایی
یەکێتیی نیشتمانیی کوردستان
------------------------------------

بەڕێز بەڕێوەبەرو میدیاکارانی کەناڵی گەلی کوردستان 

لە ساڵیادی دامەزراندنی کەناڵە ئازیزەکەتان پیرۆزبایی گەرمتان ئاڕاستە دەکەین و هیوای بەردەوامی و سەرکەوتنی زیاترتان بۆ دەخوازم .

کەناڵی گەلی کوردستان وەک یەکەمین کەناڵی کوردی دوای راپەڕین ، شانازییەکی تری یەکێتییەکەمانە کە بەوپەڕی بەرپرسیارێتی پیشەیی میدیایی بەرنامەکانی ئاڕاستەکردوە و ئەمڕۆش کە بەبەرنامەی نوێ وە درێژە بەکارەکانتان دەدەن جێگای دەست خۆشی هەموومانە .

وەک هەمیشە چاوەڕوانی زیاترتان لێدەکەین و متمانەمان بە توانا و هەنگاوەکانتان هەیە .

هەر شادبن .

شێخ جەمال تاڵەبانی 
ئەندامی سەرکردایەتی یەکێتیی نیشتمانیی کوردستان
------------------------------------

هەڤاڵانم لە کەناڵی گەلی کوردستانی خۆشەویست 
بەبۆنەی  (35) ساڵەی دامەزراندن و دەست کردن بە پەخش وەک یەکەم کەناڵی بینراوی کوردی، پیرۆزبایی گەرم ئاڕاستەی هەموو پەیامنێرو بێژەرو کارمەندان و دەستەی بەڕێوەبەرانی ئەو دەزگا ئازیزە دەکەم. 
هیوای بەردەوامی و سەرکەوتنی زیاترتان بۆ دەخوازم 
  
شیروان میرزا
------------------------------------

بەڕێزان/ بەڕێوەبەر و میدیاکار و کادیرانی کەناڵی گەلی کوردستان 

بە بۆنەی تێپەڕبوونی ٣٥ ساڵ بەسەر دامەزراندنی کەناڵی گەلی کوردستاندا، گەرمترین پیرۆزباییتان ئاراستە دەكەم  و هیوادارم وەک هەمیشە کەناڵەکەتان لە کایەی میدیاییدا لە پێشکەوتن، داهێنان و کاری پیشەیی خۆیدا بەردەوام بێت.

کەناڵی گەلی کوردستان، وەک یەکەمین کەناڵی بینراو لەدوای ڕاپەڕینە مەزنەکەی گەلی کورد وەک "کەناڵی دایک" بووە مینبەری ڕاستەقینەی کۆمەڵانی خەڵکی کوردستان و هەنگاوێکی گرنگ بوو بۆ پێشخستنی دۆخی ڕاگەیاندن ، ئەم هەنگاوە بوو بە سەرەتایەک بۆ دەستپێکردنی کاری پیشەیی و پێگەیاندنی کادری شارەزا و لێهاتوو لە بواری ڕۆژنامەگەری و میدیاییدا لە هەرێمی کوردستاندا.

دووبارە یادتان پیرۆز بێت و هیوای بەردەوامیتان بۆ دەخوازین، هەمیشە سەرکەوتوو بن.

هەرێم کەمال ئاغا
سەرۆکی فراکسیۆنی (ی.ن.ک) لە ئەنجومەنی نوێنەرانی عێراق
------------------------------------

لێپرسراوی مەڵبەندی گەرمیان ڕۆڵی پێشەنگانە و مێژوویی کەناڵی گەلی کوردستان لە خزمەتکردنی ڕاگەیاندنی نیشتمانی بەرز دەنرخێنێت

بەبۆنەی تێپەڕبوونی ٣٥ ساڵ بەسەر دامەزراندنی کەناڵی ئاسمانیی «گەلی کوردستان ـ کەناڵی دایک»
هەڤاڵ عومەر عەلی لێپرسراوی مەڵبەندی گەرمیان پەیامێکی پیرۆزبایی ئاراستەی بەڕێوەبەر و سەرجەم کارمەند و پەیامنێرانی دەزگای ڕاگەیاندنەکە کرد.

لە پەیامەکەیدا لێپرسراوی مەڵبەندی گەرمیان ڕۆڵی مێژوویی و پێشەنگانەی کەناڵی گەلی کوردستان
 وەک یەکەمین کەناڵی بینراوی کوردی بەرز نرخاندووە و جەختی لەوە کردووەتەوە کە کەناڵەکە لە سەردەمی خەبات و قۆناغە مێژوویی و گرنگەکاندا داکۆکیکردن لە مافە نەتەوەیی و نیشتمانییەکان بووە و هەمیشە دەنگ و ڕەنگی ڕاستەقینەی خەڵک بووە.
هەروەها هیوای سەرکەوتن و بەردەوامی بۆ کارمەند و ڕۆژنامەنووسانی کەناڵەکە خواستووە لە جێبەجێکردنی ئەرکە پیشەییەکانیاندا و کەناڵەکەی بە کەناڵێکی پێشەنگ و متمانەپێکراو ناوبردووە.

هەڤاڵ عومەر عەلی هەروەها ئاماژەی بەوەش کردووە:بە فەخر و شانازییەوە دەڵێم کە قۆناغێکی گرنگی ژیان و کارکردنم وەک ڕاگەیاندکار لەم کەناڵە ئازیزەدا بووە قۆناغێک کە بووە بە مێژوویەکی جوان و پڕ لە شانازی لە ژیانمدا.

مەڵبەندی گەرمیان
یەکێتیی نیشتیمانیی کوردستان
------------------------------------