لە ڕۆژی جیهانیی كرێكاراندا ، پیرۆزباییەكی گەرم  لەسەرجەم كرێكارانی  كوردستان و عێراق دەكەین.

یەكی ئایار جەژنی  كرێكاران و رۆژی هاوپشتی كرێكاری و جۆشدانەوەی خەباتی چینایەتی كرێكارانە، ڕۆژ و جەژنی هەموو ئەوانەیە كە ژیانیان  لەسەر كرێی كاریانەو ئەوانەشە كە لەكارگەكاندا ژیانیان بە كارو ڕەنجی بیرو بازوویان دابین دەكرێت.

كرێكارانی كوردستان وەك توێژێكی زیندوو و بەرهەمهێنی كۆمەڵ ، شانبەشانی خەبات بۆ دەستەبەركردنی  مافەكانیان ، لەتێكۆشانی  رزگاریخوازانەی  گەلەكەشماندا لە گشت  قۆناغ و شێوازەكانی خەباتدا بەشدارییەكی  كارایان هەبوەو فاكتەر و بزوێنەری گۆڕانكاری و گەشەكردن بوون.

لەم بۆنەیەدا گشت پشتیوانیەكی خۆمان بۆ داكۆكیكردن لە مافە ڕەواكانی كرێكاران و رەنجدەرانی بیر و بازوو دووپاتدەكەینەوە لە پێناو دابین كردنی ژیانێكی  شایستە و ڕەخساندنی دەرفەتی زیاتری كار بۆیان كە لەگەڵ  پێشكەوتنەكانی سەردەم و دەرفەتەکانی دادپەروەری وخەباتی سەندیکایی و پیشەیی بڕەخسێت.
 
سڵاو بۆ رۆحی ئەو كرێكارانەی لە ڕاپەراندنی  كاردا ولە پێناوی  ژیانێكی شەرەفمەندانە گیانیان بەختكرد.
سڵاو لەشەهیدانی کرێکار لە بزووتنەوەی ڕزگاریخوازی گەلەکەماندا.

مەكتەبی سیاسی
یەكێتیی نیشتمانیی كوردستان