كەسكین بایندەر هاوسەرۆكی گشتیی دەبەپە تەئكید دەكاتەوە لەوەی، كۆتاییهاتن بە تێكۆشانی چەكداری بە مانای ئەوە نایەت كە پرسی كورد چارەسەر بووە .

بایندەر  لە لێدوانێكدا رایگەیاند،  ئۆجەلان داوای كردووە، دەبێت لە باشووری كوردستان یەكێتیی نەتەوەیی بەهێز بكرێت.

ئاماژەی بەوەشدا كە دەبێت دەوڵەت بەرپرسیاریەتییەكانی خۆی بەجێبگەیەێت و ناسنامەی كورد لە دەستووردا مسۆگەر بكرێت، مافی خوێندن بە زمانی كوردی بناسرێت، ئازادیی سیاسەتی دیموكراتیك و رێكخستنبوون مسۆگەر بكرێت.هەروەها  بەڕێوەبەرییە خۆجێیەكان بەهێز بكرێن و ئەو یاساییانەی، كە بنەمای سیاسەتی لەناوبردن و نكۆڵی دادەمەزرێنن، بگۆڕدرێن.

هاوسەرۆكی دەبەپە تەئكیدیشی كردووەتەوە،، كە عەبدوڵا  ئۆجەلان نامەی بۆ حزبە سیاسییەكانی هەرێم ناردووە و نامەكەشیان گەیاندووەتە سەرۆك  بافڵ جەلال تاڵەبانی .